Zelensky: Ushtria ruse po bën gjënë e duhur duke ‘ikur’
Ushtria e Ukrainës ka rimarrë rreth “2,000 kilometra territor” në shtator, njoftoi të shtunën presidenti Volodymyr Zelensky, duke shtuar se ushtria ruse po bënte gjënë e duhur për t’u larguar nga kundërofensiva.
“Për momentin, që nga fillimi i shtatorit, rreth 2000 kilometra janë çliruar”, tha Zelensky në fjalimin e tij të mbrëmjes.
Ai nuk specifikoi nëse po fliste për kilometra katrorë, por të enjten, komandanti i përgjithshëm i ushtrisë, Valeriy Zaluzhnyi, tha se trupat e tyre kishin rimarrë 1000 kilometra katrorë (gati 400 milje katror) territor nga forcat ruse.
“Këto ditët e fundit, ushtria ruse na ka treguar më të mirën (anën) e saj – shpinën e saj”, shtoi Zelensky. “Në fund të fundit, është një zgjedhje e mirë që ata të ikin.
“Nuk ka vend në Ukrainë për pushtuesit. Nuk do të ketë kurrë.”
Ushtria e Ukrainës njoftoi një kundërofensivë në fillim të muajit përpara se të bënte një thyerje dramatike nëpër linjat ruse në verilindje këtë javë, në rajonin e Kharkiv.
