24 Vjet pas hekurave për një vrasje që nuk e kishte kryer/ Dëmshpërblehet me 750.000 dollarë
Roy Cooper, guvernatori i shtetit amerikan të Karolinës së Veriut, ka falur Dontae Sharpe, i cili kaloi 24 vjet pas hekurave për një vrasje që pretendonte se nuk e kishte kryer prej vitesh.
“Sharpe dhe të burgosurit e tjerë të dënuar gabimisht meritojnë mirënjohjen publike të kësaj padrejtësie”, tha guvernatori Cooper, i cili e hulumtoi rastin me kujdes.
Sharpe, i cili u dënua me burgim të përjetshëm si 19-vjeçar për vrasjen e 33-vjeçarit George Radcliffe në vitin 1995, është deklaruar i pafajshëm që nga dita e parë.
“Besoja se do të falesha”, tha Sharpe pas vendimit të faljes, duke shtuar se është ende konfuz.
Çështja kundër Sharpe u bazua pjesërisht në dëshminë e një vajze 15-vjeçare e cila pretendoi se Sharpe vrau Radcliffe, por më vonë i tërhoqi fjalët e saj.
Sharpe u lirua në gusht 2019 pasi prokurori tha se nuk do të ketë rigjykim.
Muajt e fundit, aktivistët e drejtësisë janë mbledhur para rezidencës së Cooper, duke kërkuar që guvernatori t’i japë Sharp një “falje për pafajësinë” për të kërkuar dëmshpërblim për dënimin e gabuar.
“Falja për pafajësinë” e Cooper të premten i lejon Sharp të paraqesë një kërkesë për dëmshpërblim deri në 750.000 dollarë.