Policia londineze ka ngritur akuza ndaj një shqiptari, për një vrasje të dyfishtë në kryeqytetin britanik.
Besnik Berisha, 42 vjeç banues në Martock Gardens, Friern Barnet N11, u arrestua të hënën më 23 dhjetor dhe të mërkurën iu ngritën akuza për vrasjen e një 30 vjeçari në zonën Barnet Bypass, afër Scratchwood Park më 19 Dhjetor.
Përveç kësaj, ai gjithashtu akuzohet për vrasjen e një 35 vjeçari po me 19 dhjetor në zonën Hertfordshire Constabulary në rrugën Hogg Lane, Elstree.
Momentalisht policia londineze nuk i bën publike identitetet e dy viktimave, por thotë se janë nga Europa Lindore.
Po për këto vrasje është arrestuar edhe Kaziku Tuwisana, 31 vjeç ndaj të cilit janë ngritur akuza për vrasje./apel.media
