Vlorë/ Policia mer të gjitha masat për garantimin e rendit e sigurisë në plazh
Punonjësit e Policisë të angazhuar maksimalisht për garantimin e rendit dhe sigurisë publike gjatë periudhës së sezonit veror.
Në Drejtorinë Vendore të Policisë Vlorë dhe në Komisariatet e Policisë në varësi, janë shtuar shërbimet e Policisë të Rendit, shërbimet e “Shqiponjave”, të Qarkullimit Rrugor dhe FNSH, më qëllim garantimin e rendit dhe sigurisë, menaxhimin e trafikut rrugor dhe mbajtjen nën kontroll të kriminalitetit.
✅ Me punonjësit e Policisë të angazhuar gjatë sezonit veror 2022, në DVP Vlorë u bë instruktazhi nga Drejtori i Drejtorisë Vendore të Policisë Vlorë dhe zv.drejtori i Rendit Publik, të cilët i porositën të gjithë punonjësit e Policisë që të tregojnë profesionalizëm dhe të kryejnë detyrat vetëm në bazë të ligjit.
Drejtoria Vendore e Policisë Vlorë ka marrë të gjitha masat për garantimin e rendit e sigurisë në plazh dhe në qendrat e banuara ku janë akomoduar pushuesit.