U konfliktuan me tre vëllezërit, babë e birë plagosin me armë 25-vjeçarin në Durrës

Një plagosje me armë zjarri ka ndodhur gjatë orëve të mëngjesit të sotëm në qytetin e Durrësit.
U konfliktuan me tre vëllezërit, babë e birë plagosin me armë 25-vjeçarin në Durrës

Një plagosje me armë zjarri ka ndodhur gjatë orëve të mëngjesit të sotëm në qytetin e Durrësit.

U bë  me dije se pas një konflikti të çastit mes tre vëllezërve dhe dy personave të tjerë (babë e birë), këta të fundit kanë plagosur me armë zajrri në këmbë 25-vjeçarin E.K., i cili ndodhet jashtë rrezikut për jetën.

 
Policia ka mundur të arrestojë 51-vjeçarin, ndërsa kanë shpallur në kërkim djalin e tij.

Njoftimi i policisë:

Pas një konflikti të çastit, në një lokal, u plagos me armë zjarri një 25-vjeçar, rast për të cilin Policia arrestoi menjëherë një 51-vjeçar dhe po punon për kapjen e djalit të tij. 
Rreth orës 03:20, dyshohet se pas një konflikti të çastit, në një lokal në lagjen nr. 13, ndërmjet shtetasve R. C., 25 vjeç, K. C., 40 vjeç dhe M. C., 28 vjeç, vëllezër, të tre banues në fshatin Fllakë, dhe shtetasve A. K., 51 vjeç dhe E. K., 25 vjeç, babë e bir, është plagosur me armë zjarri, në këmbë, shtetasi R. C., i cili është jashtë rrezikut për jetën.

Si rezultat i veprimeve të shpejta procedurale, është kapur dhe vënë në pranga njëri nga autorët e dyshuar të plagosjes, shtetasi A. K., si dhe po punohet për kapjen e djalit të tij, shtetasit E. K..

Në drejtimin e Prokurorisë së Durrësit, vijojnë hetimet për të përcaktuar përgjegjësinë penale të shtetasve të përfshirë në konflikt, si dhe për të provuar ligjërisht rrethanat e tjera të këtij rasti.