Marash Arra është arrestuar një muaj më parë për vrasjen e kushëririt të tij. Ai tashmë do të hetohet jashtë qelisë, pasi nuk janë gjetur mjaftueshëm prova për ta lidhur me krimin.
Mungesa e provave për një akuzë të tillë ka bërë që Gjykata e Shkallës së Parë në Shkodër ta lirojë nga paraburgimi.
Duke iu referuar burimeve pranë Prokurorisë së Shkodrës kanë mbërritur nga Tirana aktet e ekspertimit për provat materiale shtesë lidhur me rrobat apo gjurmët e tjera, por personi i dyshuar pas ekzaminimit të tyre ka rezultuar i pastëer.
Prokuroria e Shkodrës ka kërkuar për të masën e sigurisë “Arrest shtëpie”, në ndryshim nga seancat e tjera ku ka kërkuar masën “Arrest me burg”. Teksa pala mbrojtëse kërkoi masën e sigurisë “Detyrim Paraqitje”.
Si përfundim Gjykata vendosi masën “Arrest shtëpie” për 26-vjeçarin. Fillimisht ai u arrestua si autori i vrasjes së Lazër Arraës, por më pas Prokuroria rrëzoi këto pretendime duke ngritur akuza “Për moskallëzim krimi”, duke rrëzuar kështu akuzën e vrasjes. Që në momentin e ndalimit, ai ka mohuar autorësinë si dhe dijeninë mbi ngjarjen./ apel.media
