Tre studente që jetonin me me qira në Durrës, kanë përjetuar momente tmerri, kur dy persona u kanë hyrë me thikë në orët e para të mëngjesit dhe i kanë grabitur.
Policia ndërkohë ka njoftuar se ka kapur një nga autorët dhe ka identifikuar tjetrin.
“Autorët e dyshuar kishin disa ditë që jetonin me qira në një nga hyrjet e pallatit ku jetonin edhe tre studentët”,- njofton policia.
Ngjarja mësohet se ka ndodhur ne një banesë në lagjen nr. 15, Durrës, në këtë banesë, jetonin me qira tre studentë, rreth orës 04:00 të mëngjesit kanë hyrë dy persona dhe nën kërcënimin e një thike u kanë marrë 800 euro.
Njëri prej tyre ka njoftuar Policinë dhe është vënë në ndjekje të autorit. Falë reagimit të Policisë, dhe ndihmës së banorëve të zonës është bërë e mundur kapja në flagrancë e njërit prej autorëve, konkretisht S. A., 22 vjeç, banues në Vlorë, me precedent penal në fushën e vjedhjes”,- thotë policia.
NJOFTIMI
Vodhën nën kërcënimin e thikës në banesën e tre studentëve, por falë reagimit të menjëhershëm të Policisë, njërit prej studentëve dhe banorëve të zonës kapet gjatë ndjekjes njëri nga autorët, ndërsa autori tjetër ka mundur të largohet, por është identifikuar dhe shpallur në kërkim.
Në një banesë në lagjen nr. 15, Durrës, në të cilën banonin me qira tre studentë, rreth orës 04:00 të mëngjesit kanë hyrë dy persona dhe nën kërcënimin e një thike u kanë marrë 800 euro.
Njëri prej studentëve ka njoftuar Policinë dhe është vënë në ndjekje të autorit. Falë reagimit të menjëhershëm të Policisë, dhe ndihmës së banorëve të zonës është bërë e mundur kapja në flagrancë e njërit prej autorëve, konkretisht S. A., 22 vjeç, banues në Vlorë, me precedent penal në fushën e vjedhjes.
Si rezultat i veprimeve të para të kryera nga specialistët për hetimin e krimit në Komisariatin e Policisë Durrës u bë i mundur identifikimi i autorit tjetër S. A., banues në Vlorë dhe vijon puna për kapjen e tij.
Autorët e dyshuar kishin disa ditë që jetonin me qira në një nga hyrjet e pallatit ku jetonin edhe tre studentët.
Në cilësinë e provës materiale u sekuestruan 4 telefona , dy çanta dore dhe një sasi parash.
Vijon puna për dokumentimin e plotë të ngjarjes dhe kapjen e personit të shpallur në kërkim.
Materialet i kaluan Prokurorisë së Rrethit Gjyqësor Durrës, për veprime të mëtejshme./apel.media
