Studimi fundit- Hydroxychloroquine që Trump merr për parandalimin e Covid-19, ka rritur vdekjet tek pacientët e trajtuar me të

Ilaci që pak ditë më parë reklamoi Presidenti amerikan Donald Trump Hydroxychloroquine, të cilin tha se e përdorte vetë, sot është kundërshtuar nga një studim i fundit.

Duket se OBSH tashmë është pozicionuar në qëndrime kundra Trump.

Ilaçi anti-malar që Donald Trump po merr për të parandaluar Covid-19, ka rritur vdekjen në pacientët e trajtuar me të, thuhet në shkrimin e gazetës angleze The Guardian, ku specifikohet se rezultati vjen nga një studim I kryer në të gjitha spitalet  e  botës. 

The Guardian shkruan:

Një studim i madh mbi mënyrën se si hidroksilklorina dhe versioni i saj i vjetër, chloroquine, janë përdorur në gjashtë kontinente – pa prova klinike – zbulon një pamje të kthjelltë. Shkencëtarët thanë se rezultatet nënkuptonin se ilaçi nuk duhet t’u jepej pacientëve Covid-19.

Ndërsa studimi, botuar në revistën mjekësore Lancet, nuk është një provë e krijuar për të vlerësuar ilaçin, ai gjithsesi tregon se nxitimi për ta përdorur atë në të gjithë botën nuk këshillohet. Një numër i konsiderueshëm mjekësh e kanë dhënë atë pa prova. Dihet që ilaçi mund të shkaktojë parregullsi në zemër, por shumë kanë pohuar se është i sigurt për shkak të përdorimit të tij të gjatë duke trajtuar malarian.

Ilaçi është mjaft i sigurt për pacientët që trajtohen për malarie, por Covid-19 është një sëmundje shumë e ndryshme. Autorët e studimit tërhoqën rezultate për më shumë se 96,000 pacientë në 671 spitale, duke marrë një nga ilaçet, me ose pa një antibiotik siç është azitromicina, midis 20 dhjetorit dhe 14 prillit.

Shkalla e vdekjes midis të gjitha grupeve që morën ilaçin ishte më e lartë se në mesin e njerëzve që nuk u jepej. Një në gjashtë nga ata që morën një nga ilaçet vdiq, ndërsa një në pesë vdiq nëse merrte chloroquine bashkë me një antibiotik, dhe një në katër nëse merrte hidroksilklorinë dhe një antibiotik. Shkalla e vdekjes në mesin e pacientëve që nuk morën ilaçe ishte një në 11.