“Shpërthen” Laert Vasili: Unë jam shitur miliarda euro, jap kurse online falas kush do të ndjekë shembullin tim

Aktori dhe regjisori, Laert Vasili, ka zgjedhur një mënyrë origjinale për t’iu përgjigjur kritikave të shumta ndaj tij, ironinë.

I ftuar në “Politiko On/Of”, Vasili ka kundërshtuar përmes pohimit sulmet ndaj tij se ‘është blerë nga Rama’, kur tha që “është ‘shitur’ miliarda euro dhe prandaj fundjavat i kalon në njërën prej 5 vilave që ka rrotull Tiranës”.

Në këtë mënyrë, përmes ironisë Vasili ka ‘shigjetuar’ edhe kryeopozitarin Basha, i cili shpesh akuzohet nga kundërshtarët e tij politik për vilat e blera gjatë perjudhës së tërmetit dhe pandemisë, e për të cilat thotë se janë me qira.

“Unë jam shitur miliarda euro dhe prandaj fundjavat i kaloj në njërën prej 5 vilave që kam rrotull Tiranës. Unë jap kurse online falas kush do të ndjekë shembullin tim.

Padrejtësi është që pardje u dhunua busti i heroit tonë kombëtar Skënderbeut në Korçë. Ky është një llahtar”, tha Vasili.