SHBA nënshkruan një marrëveshje tjetër për sigurimin e 100 milionë dozave të vaksinës kundër Covid-19

Dy kompani të mëdha farmaceutike do të furnizojnë qeverinë e SHBA-së me 100 milion doza të një vaksine eksperimentale kundër Covid-19.

Mediat e huaja raportojnë se marrëveshja u nënshkrua me kompaninë franceze Sanofi si dhe me ndërmarrjen britanike GalxoSmithKline.

Qeveria do të paguajë deri në 2.1 miliardë euro për të furnizuar vaksina të mjaftueshme për 50 milionë njerëz, ndërsa parashihet mundësia edhe për blerjen e 500 milionë dozave të tjera.

Marrëveshja mes këtyre dy palëve vjen pas programit “Operation Warp Speed”, i cili ka për qëllim sigurimin e një vaksine kundër koronavirusit deri në fund të vitit 2020. Programi u lansua nga vetë qeveria amerikane.