Rektori Koni “shkul veshin” e Veliajt/ UT ngre padi për Kopshtin Botanik

Çudit rektori I Universitetit të Tiranës, Mynyr Koni I cili ka reaguar ndaj atyre që ai I quajti “sulme bajate” të adresuara nga Kryebashkiaku Erjon Veliaj për konfliktin UT – Qeveri, për tokat e Kopshtit Botanik.

Statusi i plotë I rektorit:

Zoti Veliaj,

E kam të vështirë të fsheh keqardhjen time mbi sulmet e tua bajate e banale ndaj personit tim si Rektor i Universitetit të Tiranës.

Aq shumë ju ka “djegur” padia e ngritur nga Universiteti i Tiranës për Kopshtin Botanik, sa vend e pa vend flisni për këtë gjë dhe harroni që nuk jeni përfaqësuesi i pushtetit qëndror, të cilin UT e ka paditur.

Aq shumë jua ka “prishur punët dhe planet” kjo gjë, sa humbisni edhe toruan, dhe tregoheni i paedukuar… apo kështu jeni në të vërtetë?

Dhe unë kam një pyetje për ju: Aty ku jeni diplomuar, Rektori merrej me karrige dhe tavolina, apo me shgarravina muresh?????? ..apo nuk e keni idenë fare me cfarë merret Rektori i një universiteti?

Sa për ballkonin që keni parë, mund të pyesni më mirë atë që e urdhëruat për ta pastruar brënda orës përpara ceremonisë së inagurimit të stadiumit.

Zoti Veliaj, një këshillë ju jap: ruajeni qetësinë… vështirë që publiku të gënjehet akoma me fjalitë tuaja pa kuptim…..

Thjesht edhe sot ju mëshiroj…