Rama zbardh çfarë i tha kryebashkiakut të Vlorës
Kryeministri Edi Rama flet mbi debatin me kryebashkiakun e Vlorës, Dritan Leli. Ai ka dhenen nje interviste për median lokale lidhur me debatin me kryebashkiakun Dritan Leli qe u be viral ne rrjetet sociale.
Sipas medias lokale 6 plus1, Kryeministri Rama nuk e mohoi përplasjen me Lelin, por tha se ishte një “debat konstruktiv, për të vënë pikat mbi i”, lidhur me disa biznese që operojnë prej vitesh në Zvërnec, dhe jo ashtu siç u raportua në disa media pranë opozitës.
old.apel.media zbardhi bisedën mes gazetarit të televizionit lokal, ku Rama i tha se Bashkia e Vlorës dështoi të informojë këto biznese se nuk do të preken nga operacionet e prishjes së ndërtimeve në bregdet.
“Ne kemi pasur një takim, kjo është e vërtetë. Është e vërtetë që e kemi bërë në Zvërnec. Është e vërtetë që në atë zonë ka pasur një moment pakënaqësie të një sërë subjekteve që kanë investuar në infrastukturë të lehtë, mikpritje për turistët ditorë, dhe si rezultat i një keqkuptimi është krijuar ideja që ato struktura të lehta të ndërtuara në shumë vite do të prisheshin. Ndërkohë që ka munguar një komunikim efektiv dhe një zgjidhje e menjëhershme nga Bashkia e Vlorës,” .
Kryeministri ka pohuar për median lokale se biseda mes tij dhe Lelit u zhvillua në mënyrë të hapur
“Kemi pasur një debat, një debat konstruktiv për të vënë “pikat mbi i” lidhur me shumëçka që duhet përmirësuar, sepse ne asnjëherë nuk jemi të kënaqur, unë në radhë të parë asnjëherë nuk jam i kënaqur me punën time jo më me të tjerët, përfshi edhe Dritanin, për të cilin kam shumë respekt për shumëçka, por për të cilin ashtu si edhe shumë të tjerë, kërkoj edhe më tepër. Më vjen mirë që biseda u zhvillua në mënyrë të hapur, në mënyrë të drejtpërdrejtë, dhe kam shumë besim që si rezultat i atij debati dhe i konkluzioneve të arritura bashkarisht të gjithë do të përmirësojmë më tutje punën për këtë qytet dhe për Bashkinë e Vlorës, që ku patjetër është bërë një ndryshim i pamohueshëm nga askush,” tha kreu i qeverisë.
Rama duket se ka ndezur motorrët në Vlorë duke dashur të krijojë nerv dhe punë.
“Këto janë zhvillime shumë të natyrshme të fantazisë dhe nevojës për të bërë klikime duke krijuar lajme të rreme. Nuk ka asnjë të vërtetë nga këto, sepse në Vlorë kemi pasur dhe kemi një mbështetje shumë të madhe, që vjen si rezultat i shumëçkaje por edhe i punës që kemi bëre.
