Punimet në Unazën e Re/ ARRSH jep skemën e lëvizjes

Autoriteti Rrugor Shqiptar ka njoftuar hapjen e aksit kryesor nga Ura e Lanës deri te Pallati me Shigjeta për qarkullimin e mjeteve. Në një njoftim, thuhet se duke filluar nga data 26 Shtator, automje...
Punimet në Unazën e Re/ ARRSH jep skemën e lëvizjes
Foto: Punimet në Unazën e Re/ ARRSH jep skemën e lëvizjes

Autoriteti Rrugor Shqiptar ka njoftuar hapjen e aksit kryesor nga Ura e Lanës deri te Pallati me Shigjeta për qarkullimin e mjeteve. Në një njoftim, thuhet se duke filluar nga data 26 Shtator, automjetet që do të vijnë nga autostrada Durrës-Tiranë, do të devijojnë majtas duke përdorur karrexhatën e re të rrugës kryesore. Në këtë mënyrë do të shmangin dhe rrethin provizor. Ndërsa të gjitha mjetet që kanë destinacion zonën e Yzberishtit, do të kalojnë në paralelen e anës së djathtë.

NJOFTIM I ARRSH PËR MEDIAN DHE OPINIONIN PUBLIK:

Hapet për qarkullimin e mjeteve aksi kryesor nga Ura e Lanës deri te Pallati me Shigjeta.

Duke filluar nga orët e para të mëngjesit të datës 26.09.2021 automjetet që do të vijnë nga autostrada Durrës-Tiranë, pas daljes nga Galeria 5, do të devijojnë majtas duke përdorur karrexhatën e re të rrugës kryesore majtas Loti 2, duke shmangur kështu rrethin provizor tek “O-Zone” e duke vazhduar më pas pa ndërprerje drejt “Pallatit me Shigjeta”. Për automjetet që do të kenë destinacion Yzberishtin, Bulevardin “Migjeni”, “Kombinatin” për një periudhë 2-javore nuk do të kenë ndryshime në qarkullim, pas kësaj periudhe, do të kanalizohen në rrugën e re paralele të krahut të djathtë.Kërkojmë mirëkuptimin e banorëve dhe përdoruesve të rrugës për këto ndërhyrje që po kryhen në këtë aks deri në përfundimin e plotë të këtij projekti.