Presidenti Kinez: Duhet të përmbushim ribashkimin me Tajvanin

Në një kohë kur tensionet kanë arritur kulmin, Presidenti kinez Xi Jinping ka thënë se “ribashkimi” me Tajvanin “duhet të përmbushet”.

Xi shtoi se bashkimi duhet të arrihet në mënyrë paqësore, por paralajmëroi se populli kinez kishte një “traditë të lavdishme” të kundërshtimit të separatizmit.

Në përgjigje, zyra presidenciale e Tajvanit tha se e ardhmja e ishullit ishte në duart e njerëzve të saj.

Tajvani e konsideron veten një shtet sovran. Sidoqoftë, Kina e sheh Tajvanin si një provincë të shkëputur.

Pekini nuk ka përjashtuar përdorimin e mundshëm të forcës për të arritur bashkimin.

Megjithatë fjalimi, i cili erdhi në 110 vjetorin e revolucionit që përmbysi dinastinë e fundit perandorake të Kinës në 1911, ishte më pajtues sesa ndërhyrja e tij e fundit e madhe në Tajvan në korrik, ku ai u zotua të “shkatërronte” çdo përpjekje për pavarësinë zyrtare të Tajvanit.