Po kalonte rrugën/ Përplaset nga autobuzi i moshuari në Tiranë

Një i moshuar është përplasur nga një autobus në qytetin e Tiranës. Sipas informacioneve, ngjarja ka ndodhur në rrugën e “Durrësit” rreth orës 10:28.

Shtetasi me iniciale H. ZH. ka marrë dëmtime dhe është dërguar menjëherë në spital për të marrë ndihmën e nevojshme mjeksore.

Drejtuesi i autobusit, shtetasi me inicialet LL. N. është shoqëruar në komisariat.

Ndërkohë policia ndodhet në vendngjarje dhe po vijon punën për sqarimin e rrethanave të ngjarjes dhe shkakut të aksidentit./apel.media