Shërbimi i Kontrollit të Brendshëm të Burgjeve, ka kallëzuar ditën e sotme policët të cilët shoqëruan Dritan Dajtin në zonën e ish-Bllokut, për trajtimin në një klinikë private.
Në një njoftim për mediat, SHKBB shprehet se efektivët nuk kanë zbatuar rregullat e shoqërimit si edhe nuk kanë vlerësuar si duhet situatën, ndaj edhe për këtë arsye janë kallëzuar për shpërdorimin e detyrës.
Sipas SHKBB njoftimi i lëvizjes së të dënuarit, është kryer me sms në sallën operative dhe nuk është vënë në dijeni drejtori i Burgjeve.
Gjithashtu Shërbimi i Kontrollit të Brendshëm të Burgjeve vlerëson se duhej të ishte bërë një analizë risku për situatën si edhe të verifikohej mirë situata e të dënuarit.
Ndërkohë nga ana e policisë të kallëzuar mungon vendimi i arsyetuar për lëvizjen e tij./apel.media
