Rafael Duamena, sulmuesi 28-vjeçar ndërroi jetë pasi humbi ndjenjat në fushën e blertë gjatë sfidës Egnatia-Partizani.
Futbollisti është dërguar menjëherë në spitalin e Kavajës ku mjekët konfirmuan se kismet humbur jetën.
Policia po punon për zbardhjen e detajeve të tjera.
Njoftimi i policisë:
Në stadiumin “Arena Egnatia”, ku po zhvillohej ndeshja e futbollit të ligës “Abisnet Superiore”, midis ekipeve Egnatia dhe Partizani, në minutën ‘23-‘24, futbollisti i ekipit Egnatia, shtetasi R. D., 28 vjeç, kapiten i këtij ekipi, është ndjerë keq dhe ka rënë në tokë, pa ndjenja.
Menjëherë, janë futur në fushë, mjekët e ekipeve dhe autoambulanca, dhe futbollisti është transportuar në spitalin e Kavajës, por mjekët konfirmuan se 28-vjeçari kishte humbur jetën.
Është ngritur një grup i posaçëm hetimor dhe në drejtimin e Prokurorisë, po vijon puna për të sqaruar shkakun e humbjes së jetës së lojtarit, gjatë ndeshjes.
