Moti i keq, ndalohet lundrimi për mjetet e vogla dhe anijet e peshkimit në Vlorë
Moti i keq dhe reshjet e shiut gjatë natës kanë krijuar problemet e para. Së fundmi Autoriteti Portual i Vlorës njofton se për shkak të dallgëzimit në det, do të jetë i ndaluar lundrimi për mjetet e vogla dhe anijet e peshkimit.
Ndërkohë për tragetin e linjës Vlorë-Brindisi-Vlorë nuk ka pezullime për kryerjen e lundrimit.
Përmirësimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas datës 28 dhjetor.