“Marrëdhëniet tona do të zhvillohen më tej/ Presidenti Meta uron Joe Biden: Do vijojmë të mbështetemi tek SHBA

Presidenti Ilir Meta i përcjell urimet e tij Presidentit të 46-të të SHBA, Joe Biden, i cili sapo është betuar në detyrën e tij të re.

Në mesazhin e tij, Kreu i Shtetit Shqiptar thekson se “Jemi të bindur se marrëdhëniet tona do të vazhdojnë të zhvillohen më tej, ndërsa së bashku forcojmë bashkëpunimin transatlantik dhe në NATO”.

Postimi nga Presidenti Ilir Meta:

Urimet më të sinqerta, të miat dhe të popullit shqiptar, për Presidentin e Shteteve të Bashkuara të Amerikës, Sh.T.Z. Joe Biden dhe Zëvendëspresidenten, Sh.S.Znj. Kamila Harris.
Jemi të bindur se marrëdhëniet tona do të vazhdojnë të zhvillohen më tej, ndërsa së bashku forcojmë bashkëpunimin transatlantik dhe në NATO.
Shqipëria do vijojë të mbështetet në partneritetin strategjik me SHBA, si garanci jetike për paqen dhe stabilitetin në rajonin tonë dhe në çështje të rëndësishme globale. 🇦🇱🤝🇺🇸