Makina përplaset me ambulancën, 5 të lënduar

Një aksident ka ndodhur mes një veture dhe një autoambulance sot në Gjakovë. Si pasojë e aksidentit lëndime trupore kanë pësuar pesë persona, në mesin e tyre edhe persona që ishin brenda autoambulancës.

Lajmin për Express e ka konfirmuar Sheremet Elezaj, zëdhënës në policinë e Gjakovës, duke shtuar se për rastin është njoftuar edhe prokurori dhe ky rast po hetohet, raporton Express.

Për të lënduarit, Elezaj tha se bëhet fjalë për personat që kanë qenë brenda autoambulancës dhe të paktën një i lënduar që ishte brenda në veturë.