Luiza Gega siguron 4 medalje në Ballkaniadën e Atletikës

Luiza Gega siguron 4 medalje në Ballkaniadën e Atletikës

Shqipëria bëri një tjetër performancë fantastike në atletikë. Katër medalje të fituara nga sportistët kuqezi në Kampionatin Ballkanik të Sallave të mbyllura mbajtur në Stamboll të Turqisë.

Luiza Gega u konfirmua si një prej atleteve më të mira në Europë, pasi arriti të fitojë dy medalje të arta. Ajo doli kampione në garën e 1500 metrave dhe 3000 metrave.

Në 1500 metra me pengesa, Gega regjistroi kohën, 4 minuta, 15 sekonda e 84 të qindat. Ndërkaq, në 3000 metra, koha fituese e Gegës ishte 9 minuta e 7 sekonda, për të lënë pas rivalen turke me rreth 6 sekonda.

Tek atletet, Shqipëria fitoi medaljen e bronztë në vrapimin stafetë, 4×400 metra. Por në konkurrencë ishin vetëm tre ekipe. Turket fituan të artën, Kroacia ishte e dyta, ndërsa Shqipëria e treta. Në vrapimin 400 metra, Franko Burraj u rendit i treti me kohën 46 sekonda e 89 të qindat.

Ky ishte kampionati i 28-të ballkanik në palestër. Në renditjen ekipore, Rumania ishte më e suksesshmja me tri të arta e një të argjendtë. Shqipëria ishte e dyta me dy të arta e dy të bronzta, ndërsa Turqia e treta, me një të artë, pesë të argjendta e dy të bronzta.