Lezhë, vodhi 3 aparate celularë, një sasi lekësh dhe disa bizhuteri, arrestohet 22 vjeçari
Një 22-vjeçar është arrestuar nga policia e Lezhës pasi akuzohet se i ka vjedhur një shtetase një sasi lekësh, bizhuteri dhe 3 celularë.
Sipas policisë sendet e vjedhura janë gjetur në një pikë shitje, më pas ato janë sekuestruar në cilësinë e provës materiale.
Në pranga ra Xhuljo Berisha, i cili akuzohet për vjedhje dhe përvetësim të parave dhe mallrave.
Njoftimi i policisë:
Specialistët për Hetimin e Krimit në Komisariatin e Policisë Lezhë bënë ndalimin e shtetasit Xh. B., 22 vjeç, banues në Lezhë, pasi dyshohet se i ka vjedhur shtetases V. P., 3 aparate celularë, një sasi lekësh dhe disa bizhuteri, të cilat janë gjetur në një pikë shitjeje dhe janë sekuestruar në cilësinë e provës materiale.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme, për veprat penale “Vjedhja” dhe “Përvetësimi i parave dhe mallrave që rrjedhin nga vepra penale ose veprimtaria kriminale”.