Lezhë/ Qarkullonte me kanabis në makinë, arrestoheet 40 vjeçari

Një 40-vjeçar është arrestuar nga policia e Lezhës pasi në mjetin e tij i’u gjetën disa doza me lëndë narkotike cannabis sativa. Sipas policisë në pranga ka përfunduar shtetasi me inicialet B.Z....
Lezhë/ Qarkullonte me kanabis në makinë, arrestoheet 40 vjeçari
Foto: Lezhë/ Qarkullonte me kanabis në makinë, arrestoheet 40 vjeçari

Një 40-vjeçar është arrestuar nga policia e Lezhës pasi në mjetin e tij i’u gjetën disa doza me lëndë narkotike cannabis sativa.

Sipas policisë në pranga ka përfunduar shtetasi me inicialet B.Z., 40 vjeç, banues në Lezhë, i cili qarkullonte me automjet, shpërndante lëndë narkotike në doza, në lagjen “Gurra”.

Materialet i kaluan Prokurorisë pranë Gjykatës së Shkallës së Parë Lezhë, për veprën penale “Prodhimi dhe shitja e narkotikëve”.

Njoftimi i policisë:

Lezhë

Goditet një rast i shpërndarjes së lëndëve narkotike në doza.

Vihet në pranga drejtuesi i mjetit ku u gjetën doza me lëndë narkotike cannabis sativa.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, mbi bazën e informacioneve të marra në rrugë operative se një shtetas që qarkullonte me automjet, shpërndante lëndë narkotike në doza, në lagjen “Gurra”, Lezhë, shërbimet e Policisë Lezhë kanë bërë të mundur lokalizimin dhe ndalimin e mjetit të dyshuar.

Gjatë kontrollit të ushtruar në automjetin me drejtues shtetasin B. Z., në bagazh, shërbimet e Policisë gjetën doza me lëndë të dyshuar narkotike cannabis sativa, gati për shitje, të cilat u sekuestruan në cilësinë e provës materiale së bashku me automjetin.

Në përfundim të veprimeve, specialistët për Hetimin e Narkotikëve dhe Trafiqeve në DVP Lezhë bënë arrestimin në flagrancë të drejtuesit të mjetit, shtetasit B. Z., 40 vjeç, banues në Ungrej, Lezhë.

Materialet i kaluan Prokurorisë pranë Gjykatës së Shkallës së Parë Lezhë, për veprën penale “Prodhimi dhe shitja e narkotikëve”./old.apel.media