Presidenti Ilir Meta nëpërmjet rrjetit të tij social facebook , ka reaguar për ngjarjet e fundit që po ndodhin në zonën e Astirit.
Meta e ka cilësuar si të papranueshme dhunën e përsëritur ndaj banorëve të zonës së “Unazës së re”.
Ai gjithashtu është shprehur se arroganca e mjerimi që po u shkaktohet familjeve është e papranueshme.
Reagimi i plotë:
E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre.
Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme.
Banorët të ruajnë qetësinë dhe të mos bien pre e provokimeve dhe palët të ulen menjëherë në dialog.
U uroj shërim të shpejtë të gjithë të plagosurve – përfundoi presidenti ./apel.media
