Komisioni i Disiplinës ndëshkon futbollistin e Skënderbeut për shkelmat ndaj Kastriotit

Shkelmat në ndeshjen ndaj Kastriotit i kanë kushtuar shtrenjtë Alfred Mensah të Skënderbeut, i cili ka përfunduar sot nën lupën e Komisionit të Disiplinës. Ky i fundit e ka cilësuar lojë të rëndë veprimin e futbollistit dhe për këtë arsye, i ka shtuar dënimin përtej kartonit të kuq që iu dha në fushën e lojës.

VENDIMET

  1. Lojtari i KF Skënderbeu, Alfred Mensah, për lojë të rëndë ndaj kundërshtarit, në bazë të nenit 47/1/b të KDS, dënohet me 2 (dy) ndeshje pezullim nga aktiviteti.
  2. Lojtari i KF Skënderbeu U19, Kostika Beçka, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
  3. Lojtari i FK Dinamo U19, Alban Bala, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
  4. Pranimin e kërkesës së lojtarit të KF Tirana U-17, Leon Kozi, duke pezulluar zbatimin e pjesës së mbetur të dënimit. Në bazë të nenit 32/2/4/5 të KDS, lojtari vendoset në provë për një afat 9 (nëntë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.