Klubi i madh europian vihet pas Armando Brojës

TIRANA, ALBANIA - MARCH 28: Armando Broja of Albania looks on during the FIFA World Cup 2022 Qatar qualifying match between Albania and England at the Qemal Stafa Stadium on March 28, 2021 in Tirana, Albania. Sporting stadiums around Europe remain under strict restrictions due to the Coronavirus Pandemic as Government social distancing laws prohibit fans inside venues resulting in games being played behind closed doors. (Photo by Mattia Ozbot/Getty Images)

Aksioni i Armando Brojës te goli ndaj Hungarisë kishte gjithçka dhe ka bërë që sulmuesi të shtojë numrin e admiruesve të tij jo vetëm mes tifozëve të thjeshtë. Mbështetësit e Çelsit e duan në skuadër që në janar, ata të Sauthempton e duan në formacion që në ndeshjen e radhës, por ndërkohë për të hapen dyert edhe të merkatos në klube të tjera të rëndësishme me të cilat mund të luajë në turnetë ndërkombëtarë.

Klubi i Fenerbahçes kishte nisur këtë javë monitorimin e futbollistëve të vet në arenën ndërkombëtare dhe drejtori sportiv Vitor Pereira, zgjodhi sfidën Hungari-Shqipëri për të parë në veprim mbrojtësin Atila Szalai. Për fatin e keq të Szalait, ai u bë një nga viktimat e aksionit të Brojës dhe vëmendja e drejtorit të Fenerbahçes u kthye plotësisht nga sulmuesi 20-vjeçar kuqezi.

Në Turqi bëjnë të ditur se emri i Brojës është tashmë në listën e prioriteteve të klubit turk, i cili në këtë edicion po kryeson kampionatin duke pasur në përbërje emra si Ozil, Valencia, Luiz Gustavo apo edhe Mërgim Berisha. Klubi kërkon me çdo kusht titullin dhe është gati të ndërhyjë në merkato në janar të përforcojë radhët e tij, me Brojën që tashmë është bërë një nga opsionet e mundshme, gjithmonë nëse do të arrijë t’ia shkëputë Çelsit.