Çështja “Beleri” ka bërë që Greqia të vendosi barrierën e parë ndaj integrimit evropian të Shqipërisë.
Greqia kërkon që Belerit t’i jepet mundësia për t’u betuar si kryetar i Bashkisë së Himarës, gjë që deri tani, është kundërshtuar nga gjykata. Kathimerini thotë se është e qartë se Athina mund të rishikojë qëndrimin nëse Tirana zyrtare tregon se ka vend për diskutim dhe jo një shfaqje force nga ana e zotit Rama.
Gjithashtu, në shkrim theksohet se vendimi i Greqisë, krijon një pengesë edhe për Maqedoninë e Veriut pasi ishte rënë dakord që procesi i integrimit të zhvillohej njëkohësisht për të dy vendet. Por Kathimerini thekson se Shkupi ka gjetur dakordësi me Sofien, çka mund ta shkëpusë në rrugën e përbashkët të integrimit, me Shqipërinë.
Komisioni Europian votoi progress-raportin vjetor për Shqipërinë dhe vendosi t’i rekomandojë Këshillit Europian çeljen e kapitujve që pritet të vendoset në samitin e Dhjetorit.
