Një anije rumune, e cila transportone bagëti është fundosur pjesërisht në portin rumun Midi. Mësohet se anija ‘Queen Hind’ peshon 3,785 tonë dhe në momentin e incidentit ka qenë e ngarkuar me 14.600 dele.
Për momentin, policia, zjarrfikëset si dhe roja bregdetare janë duke zhvilluar një operacion për të shpëtuar delet.
“Tashmë kemi shpëtuar një numër të vogël të deleve. Ata po notonin në det,” tha për BBC, Stoica Anamaria, zëdhënëse për shërbimet e urgjencës në Konstanța.
“Mbretëresha Hind” lundroi nën flamurin e Palau, me një ekuipazh prej 22 marinarësh sirianë. Ndërkohë, një anëtar i ekuipazhit u dërgua në spital me hipotermi.
“Ai ra në det, por u shpëtua shumë shpejt,” tha Anamaria, duke shtuar se pjesa tjetër e ekuipazhit ishin “të sigurt”.
Autoritetet kanë paralajmëruar hetime për të hedhur dritë mbi shkaqet e fundosjes së anijes, që po shkonte drejt qytetit Jeddah në Arabinë Saudite./ apel.media
