FMN, shqiptarët më të varfërit e Europës/ Të ardhurat për frymë si 10 vjet më parë

Shqiptarët jetojnë në një nga vendet më të pasura të botës, por janë ndër më të varfërit e Europës. Statistikat e Fondit Monetar Ndërkombëtar FMN në “Pasqyrën Ekonomike Globale tetor 2019” tregojnë se të ardhurat për frymë të pritshme të shqiptarëve ishin 5,732 dollarë për vitin 2019, duke e pozicionuar në vendin e 102 në botë nga 192 shtete.

Në Europë, Shqipëria pozicionohet ndër vendet me të ardhurat për frymë më të ulëtat duke lënë mbrapa vetëm Kosovën me  (4,442 dollarë për frymë, në vend të 111) dhe shtete të ish Bashkimit Sovjetik  si Ukrania (vendi 125),  Moldavia (128).

Ndër vendet e rajonit, më të pasur janë Malit të Zi, me të ardhura për frymë prej 8,703 dollarë, ose 62% më të larta se të shqiptarëve (vendi 72). Më pas vjen Serbia, në vend të 87 me 7,398 dollarë për frymë, Maqedonia e Veritu (6,096 dollarë në vend të 95), Bosnja (vendi 97). Të dhënat e FMN-së referojnë se edhe një dekadë më parë, Shqipëria ishte e pandryshuar në vend të 102, në një tregues që rritja ekonomike e vendit nuk ka arritur të jetë më e lartë se e fqinjëve, apo se ajo nuk ka prodhuar mirëqenie për qytetarët e saj (sipas të ashtuquajturit proces i koncergjencës, vendet me të ardhura më të ulëta duhet të rriten më shpejt, në mënyrë që të kapin mesataren e Bashkimit Europian).

Sot, vendet e Bashkimit Europian kanë të ardhura mesatare për frymë në vit prej 35.8 mijë dollarë, ose gati 7 herë më të larta sesa të shqiptarëve, sipas shifrave të FMN.

Në botë, kryeson Luksemburgu (113 mijë dollarë), kryesisht për shkak të pasurisë së të huajve, e ndjekur nga Zvicra (83,717 USD), Macao SAR (81,152 USD), Norvegjia (77,975 USD), Irlanda (77,771 USD), Katari (69,688 USD), Islanda (67,037 USD), Shtetet e Bashkuara të Amerikës (65,112 USD), Singapori (63,987 USD).

 

/apel.media