Elbasan/ Zjarr në malin e Bukanikut, era favorizon përhapjen e flakëve
Një zjarr masiv ka përfshirë majën e Malit të Bukanikut në Elbasan. Sipas Klan News zjarri ka marrë përmasa të mëdha i ndihmuar nga era dhe thatësira.
Terreni i thyer malor e bën të pamundur ndërhyrjen e zjarrfikësve kështu e vetmja mundësi mbetet fikja me krahë ose ndërhyrja nga ajri.
Mësohet se drejt vatrës janë nisur punonjës të shërbimit pyjor, punonjës policie dhe zjarrfikës. Zona e përfshirë nga zjarri është e pasur me drurë dhe shkurre.