Drogë, mbi 18 mijë euro, makina e veshje me shënimin “Policia”/ Arrestohen 5 persona, 2 në kërkim

Policia e Shtetit ka arrestuar në flagrancë pesë persona, ndërkohë që dy të tjerë janë shpallur në kërkim.

Gjatë operacionit të koduar “Kurila”, policia ka goditur një rast të tentativës së trafikimit ndërkombëtar të lëndëve narkotike dhe ka sekuestruar 37,5 kg lëndë e dyshuar narkotike kanabis, 18.550 Euro, veshje me mbishkrimin “Policia”, si dhe tre automjete.

Mësohet se të arrestuarit kanë bashkëpunuar me njëri tjetrin për të trafikuar 37.5 kg lëndë narkotike. Ndërkohë që kanë përdorur disa veshje të imituara të policisë, për ta pasur më të lehtë kalimin e sasisë së drogës nëpërmjet kufirit të gjelbër, në fshatin Kurilë, Devoll. Grupi ishte nën vëzhgim nga policia prej një muaji dhe si rezultat u arrestuan shtetasit me iniciale M.Z, 28 vjeç, A.K, 30 vjeç, K.N, 28 vjeç, B.D, 36 vjeç, D.P, 26 vjeç.  Si edhe u shpallën në kërkim shtetasit R.T, 23 vjeç, M.Z, 31 vjeç.

Në cilësinë e provës materiale janë sekuestruar sasia prej 37,5 kg lëndë e dyshuar narkotike kanabis, tre automjete të përdorura nga autorët e dyshuar në pronësi të shtetasve D.P; M.Z., dhe B.D; një sasi lekësh, 18.550 Euro, veshje me mbishkrimin “Policia” dhe aparate celularë.

Policia po vijon puna për kapjen të arratisurve, si dhe vendosjen përpara përgjegjësisë ligjore të personave të tjerë, të dyshuar si bashkëpunëtorë në këtë aktivitet kriminal./apel.media

DevollFinalizohet me sukses operacioni antidrogë i koduar "Kurila".Goditet një rast i tentativës së trafikimit ndërkombëtar të lëndëve narkotike.Arrestohen në flagrancë 5 shtetas dhe 2 të tjerë shpallen në kërkim. Sekuestrohen 37,5 kg lëndë e dyshuar narkotike kanabis, 18.550 Euro, veshje me mbishkrimin "Policia", si dhe tre automjete.Strukturat e Drejtorisë Vendore të Policisë Korçë, në bashkëpunim me Drejtorinë Vendore të Kufirit dhe Migracionit Korçë dhe shërbimet Frontex, nën drejtimin e Prokurorisë të Rrethit Gjyqësor Korçë, pas një hetimi një mujor si edhe falë veprimeve të mirëorganizuara, kanë goditur një rast të tentativës së trafikimit ndërkombëtar të lëndëve narkotike, duke finalizuar me sukses operacionin e koduar "Kurila", si rezultat i të cilit u arrestuan në flagrancë shtetasit: • M.Z, 28 vjeç, banues në Korçë.• A.K, 30 vjeç, banues në Korçë.• K.N, 28 vjeç, banues në fshatin Drenovë, Korçë.• B.D, 36 vjeç, banues në Korçë.• D.P, 26 vjeç, banues në Elbasan. Si edhe u shpallën në kërkim shtetasit: • R.T, 23 vjeç, banues në fshatin Plasë, Maliq (i dënuar më parë për "Vjedhje").• M.Z, 31 vjeç, banues në fshatin Moravë, Korçë, i dënuar më parë për "Prodhim dhe armëmbajtje pa leje").Shtetasit e lartpërmendur në bashkëpunim me njëri-tjetrin, kanë tentuar të trafikojnë 37.5 kg lëndë të dyshuar narkotike kanabis, duke u veshur me veshje të cilat mbanin mbishkrimin "Policia", për ta pasur më të lehtë kalimin e sasisë së drogës nëpërmjet kufirit të gjelbër, në fshatin Kurilë, Devoll.Në cilësinë e provës materiale janë sekuestruar sasia prej 37,5 kg lëndë e dyshuar narkotike kanabis, tre automjete të përdorura nga autorët e dyshuar në pronësi të shtetasve D.P; M.Z., dhe B.D; një sasi lekësh, 18.550 Euro, veshje me mbishkrimin "Policia" dhe aparate celularë.Po vijon puna për kapjen e shtetasve R.T, dhe M.Z, për dokumentimin e plotë të ngjarjes, si edhe vendosjen përpara përgjegjësisë ligjore të personave të tjerë, të dyshuar si bashkëpunëtorë në këtë aktivitet kriminal.Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprën penale "Trafikimi i narkotikëve, kryer në bashkëpunim", e ngelur në tentativë dhe "Përvetësimi i titullit apo i detyrës shtetërore".

Gepostet von Policia e Shtetit am Sonntag, 17. November 2019