Dita Botërore e Ujit/ OKB në alarm: Rreziku për një krizë globale, i pashmangshëm

Në Ditën Botërore të Ujit, Organizata e Kombeve të Bashkuara ngre edhe njëherë alarmin se ‘lëngu i jetës” së njerëzimit është gjithnjë e më shumë në rrezik për shkak të zhvillimit dhe konsumit pa krit...
Dita Botërore e Ujit/ OKB në alarm: Rreziku për një krizë globale, i pashmangshëm
Foto: Dita Botërore e Ujit/ OKB në alarm: Rreziku për një krizë globale, i pashmangshëm

Në Ditën Botërore të Ujit, Organizata e Kombeve të Bashkuara ngre edhe njëherë alarmin se ‘lëngu i jetës” së njerëzimit është gjithnjë e më shumë në rrezik për shkak të zhvillimit dhe konsumit pa kriter.

Në raportin e fundit, OKB vë në pah kërcënimin për një krizë të pashmangshme për ujë në vitet në vijim pasi mungesa e tij është duke u përkeqësuar.

Sipas sekretarit të përgjithshëm, Antonio Guterres ” bota po ecën verbërisht në një rrugë të rrezikshme me përdorimin e paqëndrueshëm të ujit , ndotjes dhe ngrohjes globale”.

Studimi tregon se rreth dy miliardë njerëz nuk kanë akses në ujë të pijshëm të sigurt, ndërsa 3.6 miliardë nuk kanë akses në shërbime të besueshme sanitare.

“Mungesa e ujit po bëhet endemike”, thuhet në raport, i cili vë në dukje se përdorimi global i ujit është rritur me rreth 1% çdo vit gjatë 40 viteve të fundit dhe pritet të ruajë ritme të ngjashme deri në vitin 2050.