Çomo: Shumica e të shtruarve në spitale janë të rinj të pavaksinuar dhe pa sëmundje shoqëruese

Shefja e Infektivit Najada Çomo gjatë konferencës për shtyp me Komitetin Teknik të Ekspertëve tha se shumica e të shtruarve në spitale për shkak të COVID janë mosha të reja, të pavaksinuar dhe pa sëmundje shoqëruese.

Në Infektiv janë 130 pacientë të shtruar, 12% në formë kritike, 54% në formë të rëndë, pjesa tjetër në formë të mesme të rëndë. Për t’u theksuar është se janë mosha të reja në spital, të gjithë të pavaksinuar. Për t’u vlerësuar në sensin e popullatës është që moshat e reja sot janë dhe ata që nuk kanë sëmundje kronike.

Gratë gravide, një pjesë e të cilave janë në spitale, kanë ecur mirë si  ecuri shëndetësore, por të gjitha të shtruarat kanë bërë lindje të parakohshme për shkak të gravitetit të covid.

Në grup mbizotërojnë personat e pavaksinuar por ka dhe një % të ulët më pak se 3 ose 4 % që janë të vaksinuar me dozën e parë dhe të dytë”, tha Çomo.