BE njofton: Varianti “Delta” do të përhapet në 90% të infeksioneve në Europë
Agjencia e BE-së për kontrollin e sëmundjeve njofton se varianti “Delta”, i cili u zbulua për herë të parë në Indi mund të përbëjë 90% të infeksioneve të reja të koronavirusit në Europë deri në fund të Gushtit.
“Bazuar në përparësinë e vlerësuar të transmetimit të variantit Delta dhe duke përdorur parashikimet e modelimit, 70% e infeksioneve të reja SARS-CoV-2 parashikohet të vijnë për shkak të këtij varianti në BE / EEA deri në fillim të gushtit dhe 90% të infeksioneve deri në fund të gushtit”, tha Qendra Evropiane për Parandalimin dhe Kontrollin e Sëmundjeve (ECDC) në raportin e saj të rregullt të vlerësimit të kërcënimeve.
Ky variant me origjinë në Indi shihet shumë shqetësues nga Organizata Botërore e Shëndetësisë (OBSH), i cili tashmë është përhapur në më shumë se 60 vende të botës.
“Delta” është vlerësuar të jetë 40-60% më i transmetueshëm se varianti Alpha, i zbuluar për herë të parë në Angli.
Ky variant mund të shoqërohet gjithashtu me një rrezik më të lartë të shtrimit në spital dhe provat sugjerojnë që njerëzit që kanë marrë vetëm një dozë të vaksinës, janë më pak të mbrojtur ndaj tij sesa ndaj çdo varianti tjetër, pavarësisht nga lloji i vaksinës. Vaksinimi i plotë, sidoqoftë, siguron mbrojtje gati ekuivalente ndaj variantit Delta.
Në Mbretërinë e Bashkuar, varianti Delta është tashmë pas më shumë se 90% të rasteve të reja me Covid dhe ka çuar në një rritje të infeksioneve pavarësisht shkallës së lartë të vaksinimit. Kjo e detyroi qeverinë të vonojë një lehtësim të planifikuar të kufizimeve në Angli me katër javë.
