BBC: Nipërit e mbretëreshës Elizabeth II, qëndrojnë roje pranë arkivolit të saj në Westminster Hall

Djemve të Mbretit, William dhe Harry, i janë bashkuar Peter Phillips dhe Zara Tindall; fëmijët e Princeshës Anne; Princesha Beatrice dhe Eugenie; vajzat e Princit Andrew dhe Lady Louise Windsor, dhe James, Viscount Severn; fëmijët e Princit Edward.

Është hera e parë në histori që nipërit e një monarku marrin pjesë në ceremoni.

Princi Harry dhe William kanë veshur uniformë ushtarake ndërsa princeshat veshje zeza, të ngjashme me ato që kanë veshur që kur mbretëresha vdiq.
Mbretëresha ka tetë nipër e mbesa. Më të njohurit prej tyre janë djemtë e Mbretit, Princi i Uellsit dhe Duka i Sussex.

Të premten në mbrëmje, fëmijët e Mbretëreshës, përfshirë Mbretin, qëndruan roje për rreth 10 minuta.

Nderimi që nipërit e Mbretëreshës mbajtën këtë mbrëmje njihet tradicionalisht si “Vigjilja e Princave” sepse, derisa Princesha Anne mori pjesë për herë të parë të hënën në të, vetëm burrat mundeshin.

Ajo u krye për herë të parë në vitin 1936 pas vdekjes së George V, kur katër djemtë e tij, Mbreti Edward VIII, Princi Albert (mbreti i ardhshëm George VI dhe babai i të ndjerit të Mbretëreshës Elizabeth II) dhe princat Henry dhe George, qëndruan rreth katër anët e arkivolit të babait të tyre në Westminster Hall.

Arkivoli i Mbretëreshës do të qëndrojë në Westminster Hall deri në funeralin e saj në 19 shtator.

Mbretëresha Elizabeth II u nda nga jeta më 8 shtator në moshën 96-vjeçare. Funerali shtetëror i Mbretëreshës do të mbahet më 19 shtator në Westminster Abbe, kisha ku mbretërit dhe mbretëreshat e Britanisë kurorëzohen. Po në këtë kishë Mbretëresha Elisabeth II u martua me Princin Philip në 1947.