Dy shqiptarë janë arrestuar si të dyshuar për vrasjen makabre të ndodhur në Belgjikë në muajin maj të këtij viti.
Sipas informacioneve, viktima ishte një 40 vjeçar shqiptar, i cili u gjet i pajetë në një kanal në Lievegem të Belgjikës.
Të vetmet detaje që dha policia belge ëpr ngjarjen, ishin se trupi ishte mbështjellë me plastikë dhe ishte hedhur në kanal, ku u gjet nga një çiklist.
Pas autopsisë u zbulua se trupi i pajetë kishte qenë qëlluar me armë zjarri.
Pas disa muajsh hetime është arritur që të arrestohen dy të dyshuarit, ku njëri u gjet në Belgjikë dhe tjetri në Francë.
Mosha e të arrestuarve është 29 vjeç dhe 37 vjeç, ndërkohë që nuk janë publikuar të dhëna të tjera./apel.media
