Gjykata e Apelit në Tiranë nuk e ka pranuar apelimin e ish-kryebashkiakut Agim Kajmaku, për t’u hetuar në gjendje të lirë.
Sipas informacioneve, është lënë në fuqi masa e sigurisë “arrest me burg”.
Pasi shqyrtoi kërkesën e Agim Kajmakut, i cili ndodhet në arrati, Gjykata e Apelit nuk pranoi kushtet e ish-kryebashkiakut.
Kujtojmë se më 12 nëntor, Gjykata e Tiranës firmosi urdhërin për arrestimin e ish-kryebashkiakut të Vorës, pasi u shkarkua nga KQZ për shkelje të ligjit të dekriminalizimit, duke mos deklaruar një dënim në Greqi.
Kajmaku e apeloi vendimin e Gjykatës së Tiranës ndërkohë që ndodhej në arrati. Policia ka kryer 13 operacione për kapjen e tij, por që kanë dështuar./apel.media
