AKU ka kryer 613 inspektime e 20 gjoba bizneseve

Bizneset janë nën lupën e Autoritetit Kombëtar të Ushqimit. Kjo e fundit cdo ditë ushtron kontrolle tek bizneset e të gjitha prodhimeve.

Përmes një njoftimi AKU bën të ditur se gjatë kontrolleve zyrtare për garantimin e sigurisë ushqimore në operatorë të biznesit,  janë dhënë  20 masa me paralajmërim përgjithësisht për rinovim të librezave shëndetësore, rinovim të analizave të ujit dhe planit DDD.

Referuar Planit të Marrjes së Mostrave janë marrë 34 mostra në monitorim të produktit qumësht.

AKU si pjesë e Task-Forcës vijon me monitorimet në të gjitha kategoritë e bizneseve për zbatim të protokolleve.

Autoriteti Kombëtar i Ushqimit ka kryer inspektime dhe monitorime dhe ka këshilluar 648 qytetarë për mbajtjen e maskës në zbatim të protokolleve të sigurisë.