Zjarr në ndërtesën 13-katëshe në Tajvan, 46 persona mbetën të vdekur

Të pakten 46 persona humbën jetën dhe dhjetëra të tjerë mbetën të plagosur nga zjarri që shpërtheu në një ndërtesë 13-katëshe në jug të Tajvanit, njoftuan të enjten zyrtarët e këtij vendi.

Departamenti lokal i zjarrit tha se ndërtesa e banimit dhe tregtare në qytetin Kaohsiung u përfshi nga flakët në orët e para të mëngjesit.

“Zjarri ishte jashtëzakonisht i egër dhe shkatërroi shumë kate”, thuhet në deklaratë.

Zjarrfikësve iu deshën më shumë se katër orë për të shuar zjarrin.

Shkaku i incidentit është ende i paqartë dhe hetuesit ndodhen në vendngjarje.

Ndërtesa ishte rreth 40 vjet e vjetër, me dyqane në katet më të ulëta dhe me apartamente sipër.