Policia e Tiranës ka arrestuar një person, i cili dyshohej se bënte shpërndarje të lëndëve narkotike në afërsi të shkollave në kryeqytet.
Përmes informacioneve të mbledhura në rrugë operative shërbimet e Komisariatit të Policisë Nr. 2 Tiranë, kanë arritur të identifikojnë dhe të lokalizojnë një person që bënte shpërndarjen e lëndëve narkotike në afërsi të shkollave.
Në momentin e arrestimit 25- vjeçari me iniciale V. M kaq qenë në afërsi të rrugës “Kongresi i Lushnjës”.
Gjatë kontrollit personit iu gjetën, 27 doza me lëndë narkotike, si dhe një shumë prej 63 500 lekësh të reja dhe një telefon celular, këto objekte janë sekuestruar në cilësinë e provës materiale.
Në përfundim të veprimeve, u krye arrestimi në flagrancë i shtetasit V. M., 25 vjeç, banues në Tiranë.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore./ apel.media
